العدل ياساااااااااااااااااااااااااااادة

رسالة الى عمنا وسيدنا وتاج راس أبونا
المجلس الأعلى لستنا وحبيبتنا القوات المسلحة
نرجوكم ونتوسل اليكم ونبوس رجليكم قبل ايديكم
لاتحعلوا ذلك الشعب يفقد صبره
والله العظيم بنصحكم بكل اخلاص وأمانة
والمصحف الشريف بقول لكم من قلبى
ورحمة أمى ما ليا أى أجندة
احذروا غضبة الجياع
احذروا غضبة المقهورين
والله والله والله والله لو حصلت مش حتلاقوا بلد تحكموها
وساعتها ولا حينفع اخوان ولا سلفية ولا وفد ولا حتى جماعة ابريل
ساعتها مش حيبقى فيه حاجة اسمها عقل
ساعتها اللى حيبقى مسيطر شىء واحد
اسمه .. جنون الانتقام..الفوضى بمعناها الشامل والحقيقى
يعنى حتى البلطجية حيبقوا مفيش
ساعتها كل بنى آدم ذاق ولو قليللا من الظلم حيلاقيله حته يكسرها وياخدها
على اعتبار المثل اللى بيقول ..شعرة من دقن الخنزير
فيه حاجة فى قلوب الناس اسمها الغل
الغل من حاكم كان بيسرق اللقمة الحاف من بق الغلابة
الغل من ظابط شرطة معندوش مبدأ كان بيدوس على رقاب العباد علشان ترقية أو طمعا فى رشوة
الغل من واحد غنى عنده اللى يكفيه ويكفى أحفاده حتى عاشر حفيد ورغم كده كان صعبان عليه يسيب فتفوتة عيش حاف لطفل

بيحلم بلقمة
الغل من واحد كان بيتاجر بجلد الجعان علشان يصرف عى واحدة بتعرف تدلعه
الغل من الأكل المسموم اللى كانوا بيجبرونا على أكله
أخيرا
أبوس رجليكم
امسحوا الغل بالقضاء الحقيقى على الفساد
وفى الأمثال قالوا
المساواة فى الظلم عدل
العدل ياسادة
العدل ياسادةالعدل ياسادة